SIGURIMI I JETËS NË KOSOVË

Për njerëzit që
mbështeten te ti.

Të ardhurat e tua mbajnë shumë gjëra në këmbë. Sigurimi i jetës ndihmon që familja të ketë mbështetje financiare në rast humbjeje të jetës tënde nga një shkak i mbuluar.

Blue Brokers të ndihmon të zgjedhësh shumën dhe të kuptosh çfarë përfiton familja, cilat raste mbulohen dhe çfarë përjashtohet.

SIGAL · Illyria Life / Sava JetëPa dokumente në fillimAsistencë nga Blue Brokers
Shiko mbulimet dhe dallimet ↓
ZGJIDH DREJTIMIN TËND

Mbrojtje e jetës apo edhe kursim?

SIGAL

Sigurim individual i jetës

Mundësi për mbrojtje nga humbja e jetës natyrore, humbja aksidentale dhe invaliditeti nga aksidenti, sipas kombinimit të zgjedhur. Shumat dhe rreziqet paraqiten veçmas në ofertë.

Përshtat kërkesën →
ILLYRIA LIFE · SAVA JETË

Mbrojtje dhe mundësi kursimi

Sigurimi miks kombinon mbrojtjen e jetës me përfitim në përfundim të kontratës. Shtesat nga aksidenti zgjidhen veçmas. Të ndihmojmë të shqyrtosh edhe alternativat e tjera të sigurimit të jetës.

Oferta individuale paraqet pagesat, përfitimet e garantuara, pjesën eventuale të fitimit dhe kushtet nëse kontrata ndërpritet para kohe.

Zgjidh kompaninë dhe kërko ofertë →

Shuma e sigurimit është mbështetja për përfituesin. Çmimi i policës është pagesa që bën ti. Janë dy shuma të ndryshme: për shembull, 10.000 € mbrojtje nuk do të thotë 10.000 € pagesë për sigurimin.

KUPTO ÇFARË ZGJEDH

Mbulimet bëjnë dallimin.

Vetëm emri i paketës ose shuma e sigurimit nuk mjaftojnë. Kontrollo nëse mbrojtja përfshin sëmundjen, aksidentin apo të dyja.

HUMBJE JETE NGA AKSIDENTI

Mbështetje pas një aksidenti

Pagesë për përfituesit kur humbja e jetës vjen nga një aksident i mbuluar. Ky mbulim nuk nënkupton automatikisht humbjen e jetës nga sëmundja.

HUMBJE JETE NGA SËMUNDJA

Mbrojtje për shkaqe natyrore

Pagesë për humbjen e jetës nga shkaqe natyrore të mbuluara, përfshirë sëmundjen, me përjashtimet dhe vlerësimin përkatës shëndetësor.

INVALIDITET NGA AKSIDENTI

Mbështetje edhe për ty

Kur përfshihet, përfitimi lidhet me shkallën e invaliditetit të përhershëm dhe shumën e kontraktuar. Nuk është zëvendësim automatik i të ardhurave mujore.

ZGJEDHJA E PAKETËS

Kombinimi që të përshtatet

Këto janë mundësi mbulimi, jo një listë e përfshirë në çdo çmim. Para vendimit, të paraqesim shumën për secilin rrezik dhe kushtet e sigurimit të ofertës konkrete.

Shiko detajet që duhen kontrolluar para sigurimit

Përfituesi: përcakto kush do ta marrë përfitimin. Për sigurimin e lidhur me kredi, banka mund të jetë përfituese sipas marrëveshjes.

Shëndeti dhe profesioni: deklaratat i plotëson ti saktë. Blue Brokers të asiston për sqarime; nuk përgjigjet në emrin tënd.

Përjashtimet dhe pritjet: kërko trajtimin e gjendjeve paraekzistuese, profesioneve ose aktiviteteve me rrezik dhe çdo periudhe pritjeje. Përfshirja e tyre nuk duhet supozuar.

Afati dhe pagesat: verifiko datën e fillimit, kohëzgjatjen, këstet dhe çfarë ndodh nëse një pagesë vonohet.

Rasti i sigurimit: familja duhet të dijë ku të njoftojë ngjarjen dhe çfarë provash kërkohen për shqyrtimin e përfitimit.

SA MBROJTJE TË ZGJEDHËSH?

Nisu nga jeta
e familjes tënde.

Shiko shpenzimet e familjes, detyrimet dhe kursimet që tashmë ke. Shuma duhet të ketë kuptim për njerëzit që dëshiron të mbrosh.

  1. Shpenzimet e përditshme

    Sa mbështetje do t’i duhej familjes për banimin, ushqimin dhe arsimimin nëse të ardhurat e tua mungojnë?

  2. Kreditë dhe detyrimet

    Shiko çfarë mbetet për t’u paguar dhe nëse ke tashmë sigurim të veçantë për kredinë.

  3. Mbrojtja ekzistuese

    Merr parasysh kursimet dhe sigurimin nga punëdhënësi. Pastaj vendos çfarë mbështetjeje shtesë kërkon.

PYETJET E TUA

Qartësi për ty.
Mbështetje për familjen.

Sa kushton sigurimi i jetës?

Çmimi lidhet me moshën, shumën, rreziqet dhe kohëzgjatjen, si dhe vlerësimin e aplikimit. Fillo me moshën dhe shumën më sipër. Kur kemi çmim orientues për zgjedhjen tënde, ai shfaqet pa u kërkuar dokumente në fillim.

A është i njëjtë me sigurimin shëndetësor?

Sigurimi i jetës parashikon një përfitim financiar kur ndodh ngjarja e mbuluar. Sigurimi shëndetësor mbulon shërbime mjekësore sipas paketës. Nuk e zëvendësojnë automatikisht njëri-tjetrin.

A më kthehen pagesat në fund?

Mbrojtja e jetës nuk përfshin automatikisht kursim apo kthim pagesash. Nëse kërkon sigurim me kursim, na e trego që të shqyrtojmë veçmas përfitimin në përfundim, kostot dhe kushtet e ndërprerjes.

Po nëse sigurimi më duhet për kredi?

Kontakto Blue Brokers për sigurimin e jetës së kredimarrësit. Shuma, afati dhe përfituesi duhet të përputhen me kërkesat e bankës dhe kushtet e sigurimit.

Kur fillon mbrojtja?

Plotësimi i kërkesës nuk aktivizon sigurim. Mbrojtja fillon sipas datës dhe kushteve të konfirmuara pas pranimit të aplikimit dhe përmbushjes së detyrimeve të pagesës.

BLUE BROKERS PRANË TEJE

Ta bëjmë zgjedhjen më të qartë.

Të asistojmë me ofertën, kuptimin e kushteve dhe hapat e kërkesës për përfitim.

KALENDARI BLUE

Zgjidh datën

HëMaMëEnPrShDi